අද (20) සිට දිවයින පුරා සියලු ඩෙංගු මර්දන රාජකාරී කටයුතුවලින් ඉවත් වීමට ශ්රී ලංකා මහජන සෞඛ්ය පරීක්ෂකවරුන්ගේ සංගමය තීරණය කර තිබේ.
කටුනායක ගුවන්තොටුපොළේ සෞඛ්ය කාර්යාලයේ ජ්යෙෂ්ඨතම සෞඛ්ය වෛද්ය නිලධාරීවරයා අත්තනෝමතික ලෙස ස්ථාන මාරු කිරීමට විරෝධය පල කරමින් එම තීරණය ගෙන ඇත.
එම සංගමයේ ප්රධාන ලේකම් චමිල් මුතුකුඩ පවසන්නේ ඊයේ (19) රාත්රී රැස්වූ සිය සංගමයේ කෘත්යාධිකාරී මණ්ඩලය විසින් මෙම තීරණය ගෙන ඇති බවයි.
ඊට අමතරව හෙට (21) දිනයේ දී දිවයින පුරා සංකේත වැඩවර්ජනයක නිරත වීමට ද තීරණය කර ඇති බව චමිල් මුතුකුඩ කියාසිටියි.
මේ සම්බන්ධයෙන් ශ්රී ලංකා මහජන සෞඛ්ය පරීක්ෂකවරුන්ගේ සංගමය සෞඛ්ය හා ජනමාධ්ය අමාත්යාංශයේ ලේකම් වෙත ලිපියකින් දැනුම් දී තිබේ.
