බිරිඳ වන මෛත්‍රී වික්‍රමසිංහ, හිටපු ජනාධිපති ලේකම් සමන් ඒකනායක ඇතුළු දස දෙනකුගෙන් යුත් කණ්ඩායමක් එංගලන්තයේ ලන්ඩන් නුවර දින 02 ක් පෞද්ගලික සංචාරයක නිරත වී රුපියල් ලක්ෂ 166 කට අධික රාජ්‍ය මුදල් අයථා ලෙස භාවිත කිරීම සම්බන්ධයෙන් වන විමර්ශනයට අදාළව සැකපිට අත්අඩංගුවට ගෙන රිමාන්ඩ් භාරයට පත් කර සිටින හිටපු ජනාධිපති රනිල් වික්‍රමසිංහ වෙනුවෙන් 300 කින් පමණ සමන්විත නීතිඥ මණ්ඩලයක් පෙනී සිටීමට නියමිත බව වාර්තා වේ.
නීතිපති දෙපාර්තමේන්තුව වෙනුවෙන්, අතිරේක සොලිසිටර් ජනරාල් දිලීප පීරිස් අධිකරණය හමුවේ කරුණු ඉදිරිපත් කිරීමට නියමිතය.
මහජන සාමය පවත්වාගෙන යෑම සඳහා අද (26 වැනිදා) දිනයේදී විශේෂ ආරක්ෂක වැඩපිළිවෙළක් ක්‍රියාත්මක කරන ලෙස සියලුම පොලිස් ස්ථානාධිපතිවරුන්ට පොලිස්පතිවරයා විසින් උපදෙස් දී ඇති බව පොලිස් මාධ්‍ය ප්‍රකාශක පොලිස් අධිකාරි උදය කුමාර වුට්ලර් සඳහන් කළේය
කෙසේ වෙතත් රෝහල් ආරංචිමාර්ග පවසන්නේ සෞඛ්‍ය තත්වය හේතුවෙන් අද (26) කැඳවන නඩුවට හිටපු ජනපතිවරයා සහභාගි වීම අවිනිශ්චිත බවයි.
