ශ්රී ලංකාවට ගිනිකොණ දෙසින් පැවති පීඩන අවපාතය ගැඹුරු පීඩන අවපාතයක් දක්වා වර්ධනය වී ඇති හෙයින් ඉදිරි දින කිහිපයේදීත් පවතින තද වැසි සහ තද සුළං බලාපොරොත්තු විය හැකි බව කාලගුණ විද්යා දෙපාර්තමේන්තුව පවසයි.
ඒ හේතුවෙන් දිවයිනේ බොහෝ ප්රදේශවල නිරන්තර වැසි හෝ ගිගුරුම් සහිත වැසි ඇතිවිය හැකියි.
උතුරු, උතුරු- මැද, මධ්යම සහ වයඹ පළාත්වලත් ත්රිකුණාමලය දිස්ත්රික්කයේත් ඇතැම් ස්ථානවලට මි.මී. 200ට වැඩි ඉතා තද වැසි සහ සබරගමුව සහ බස්නාහිර පළාත්වලත් බදුල්ල සහ මඩකලපුව දිස්ත්රික්කවලත් ඇතැම් ස්ථානවලට මි.මී. 150ට වැඩි ඉතා තද වැසි ඇති විය හැකි අතර දිවයිනේ බොහෝ ප්රදේශවලට පැ.කි.මී. 60-70 දක්වා වන ඉතා තද සුළං සමග විටින් විට පැ.කි.මී. 80 දක්වා වන ප්රහාරාත්මක සුළං ඇතිවිය හැකි බවද කාලගුණ විද්යා දෙපාර්තමේන්තුව සඳහන් කරයි.
තද වැසි සහ තද සුළං මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමෙන්තුව ජනතාවගෙන් ඉල්ලා සිටියි.
