දිවයින හරහා ඊසාන දිග මෝසම් තත්වය ස්ථාපති වී ඇති බවත් ප්රදේශ කිහිපයකට මි.මී. 100 ඉක්මවූ තද වැසි ලැබිය හැකි බවත් කාලගුණ විද්යා දෙපාර්තමේන්තුව අද (10) නිකුත් කළ නිවේදනයේ දක්වා තිබේ.
සම්පූර්ණ නිවේදනය පහතින්,
2025 දෙසැම්බර් මස 10 දින උදෑසන 05.30 ට නිකුත් කරන ලදි.
දිවයින හරහා ඊසානදිග මෝසම් තත්ත්වය ස්ථාපිත වී ඇත.
උතුරු, උතුරු-මැද, නැගෙනහිර, මධ්යම, දකුණු සහ ඌව පළාත්වල විටින් විට වැසි හෝ ගිගුරුම් සහිත වැසි ඇති වේ. උතුරු, උතුරු-මැද සහ නැගෙනහිර පළාත්වල ඇතැම් ස්ථානවලට මි.මී. 100 ට වැඩි තද වැසි ඇති විය හැක. මධ්යම සහ ඌව පළාත්වල ඇතැම් ස්ථානවලට මි.මී. 75 ක පමණ තරමක තද වැසි ඇති විය හැක.
දිවයිනේ සෙසු ප්රදේශවල පස්වරු 1.00 න් පමණ පසුව තැනින් තැන වැසි හෝ ගිගුරුම් සහිත වැසි විය හැකි අතර ඇතැම් ස්ථානවලට මි.මී. 75 ක පමණ තරමක තද වැසි ඇති විය හැක.
උතුරු, උතුරු-මැද සහ වයඹ පළාත්වලත් ත්රිකුණාමලය දිස්ත්රික්කයේත් මධ්යම කඳුකරයේ නැගෙනහිර බෑවුම් ප්රදේශ වලත් විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැක.
සබරගමුව, මධ්යම සහ දකුණු පළාත්වල ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැක.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
