පොලිස් අධිකාරීවරයකු, සහකාර පොලිස් අධිකාරීවරුන් 7 දෙනකු සහ ප්රධාන පොලිස් පරීක්ෂකවරුන් 14 දෙනකුට වහාම ක්රියාත්මක වන පරිදි ස්ථාන මාරු ලබාදී ඇති බව පොලිස් මූලස්ථානය පවසයි.
මෙම ස්ථාන මාරු ජාතික පොලිස් කොමිෂන් සභාවේ නිර්දේශ මත පොලිස්පති ප්රියන්ත වීරසූරිය ගේ නියෝග මත ක්රියාත්මක කෙරේ.
ඒ අනුව,
- පොලිස් අධිකාරී ඩී.ආර්.එස්. ධර්මදාස, මන්නාරම කොට්ඨාසයේ සිටි මහනුවර කොට්ඨාසයටත්,
- සහකාර පොලිස් අධිකාරී කේ.එල්.ඒ.ටී.එස්. ජයසිංහ ත්රිකුණාමලය කොට්ඨාසයේ සිටි නිල සුනඛ කොට්ඨාසයටත්,
- සහකාර පොලිස් අධිකාරී එන්.පී.එන්. සුරවීර සංචාරක කොට්ඨාසයේ සිට නුවරඑළිය කොට්ඨාසයටත්,
- සහකාර පොලිස් අධිකාරී එස්.පී. එදිරිසිංහ, කැබිතිගොල්ලෑව කොට්ඨසයේ සිට පොළොන්නරුව කොට්ඨාසයටත්,
- සහකාර පොලිස් අධිකාරී කේ.ආර්.ඒ. ප්රියන්ත, සේවස්ථ පුහුණු කොට්ඨාසයේ සිට මුලතිව් කොට්ඨාසයටත්,
- සහකාර පොලිස් අධිකාරී පී.එම්.සී.ආර්. තෙන්නකෝන් ඇල්පිටියේ කොට්ඨාසයේ සිට අනුරාධපුර කොට්ඨාසයටත්,
- සහකාර පොලිස් අධිකාරී එම්. අබේසිංහ නීති කොට්ඨාසයේ සිට මන්නාර කෝට්ඨාසයටත්,
- සහකාර පොලිස් අධිකාරී ඩබ්.ජේ.බී. ප්රනාන්දු, මුලතිව් කොට්ඨාසයේ සිට සේවස්ථ පුහුණු කොට්ඨාසයටත් ස්ථාන මාරු ලබාදී ඇත.
එමෙන්ම ප්රධාන පොලිස් පරීක්ෂකවරුන් ලෙස කටයුතු කරන ස්ථානාධිපතිවරුන් 14 දෙනකුටද මෙසේ ස්ථාන මාරු ලබාදී ඇත. ඒ අනුව රාගම, මාතලේ, නවගමුව, ඉලවාලි, කෑගල්ල, ගොඩකවෙළ, මඩු, වැලිමඩ, තලංගම, බෙලිඅත්ත, මුලතිව් යන පොලිස් ස්ථානාවල ස්ථානාධිපතිවරුන් මෙසේ මාරුකර යවා ඇති බව පොලිස් මූලස්ථානය පවසයි.
