පොල් සංවර්ධන හා ජනතා වතු සංවර්ධන අමාත්යංශයේ හිටපු කැබ්නට් අමාත්යවරයෙකු වූ ජගත් පුෂ්පකුමාරව අල්ලස් හෝ දුෂණ චෝදනා විමර්ශන කොමිසම විසින් අද (08) අත්අඩංගුවට ගෙන තිබේ.
ඔහුට එරෙහිව චෝදනා තුනක් එල්ල වී ඇත.
(1) 2014 ඌව පළාත් සභා මැතිවරණයට ප්රකාශයට පත් කර තිබිය දී රජයේ සංවර්ධන ව්යාපෘති පිළිබඳ ජනතාව දැනුවත් කිරීමට පෝස්ටර් අත්පත්රිකා 250,000ක් මුද්රණය කිරීම සඳහා හලාවත වැවිලි සමාගමට හා කුරුණෑගල වැවිලි සමාගමට විධාන කිරීමෙන් ඒ සඳහා අදාළ සමාගම් දෙකට රු.2,665,000/- ක මුදලක් වැය කිරීමට කටයුතු කරවීම.
(2) 2015 ජනාධිපතිවරණ කාලසීමාව තුළ ගංවතුර ආධාර ලෙස සරම් ටී-ෂර්ට් සහිත ඇඳුම් කට්ටල 5,000ක් හා සාය හැට්ටය සහිත ඇඳුම් කට්ටල 5,000ක් බෙදා දීම සඳහා හලාවත වැවිලි සමාගමෙන් හා කුරුණෑගල වැවිලි සමාගමෙන් නිසි ක්රමවේදයෙන් තොරව මිල දී ගැනීම හරහා එම සමාගම් දෙකට රු.3,275,000/-ක් හා රු.3,075,000/-ක් හා භෞතිකව බෙදානොදීම.
(3) 2013 හා 2014 මැයි පෙළපාලි සහභාගී වන්නන්ට හලාවත වැවිලි සමාගමෙන් ටී ෂර්ට් 2,000ක් හා සාරි 1,500ක් බැගින් හා කුරුණෑගල වැවිලි සමාගමෙන් ටී ෂර්ට් 2,000ක් හා සාරි 1,500ක් බැගින් ලබාදීමට නිලධාරීන් පෙළඹවීම.
ඒ අනුව ඔහුව කොළඹ ප්රධාන මහෙස්ත්රාත් අධිකරණ වෙත ඉදිරිපත් කිරීමට නියමිතයි.
