ජාතික ගමනාගමන කොමිෂන් සභාවේ හිටපු සභාපති ශ්රී ලංකා පොදුජන පෙරමුණේ සාමාජික රේණුක පෙරේරා අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.
නීති විරෝධී ලෙස බස් රථ සඳහා මාර්ග ධාවන බලපත්ර ලබා දීමේ සිද්ධියකට අදාළව ඔහු එලෙස අත්අඩංගුවට ගෙන ඇති බව එම කොමිසම සදහන් කරයි.
1991 අංක 37 දරන ජාතික ගමනාගමන කොමිෂන් සභා පනතේ විධිවිධානයන්ට සහ 2014.09.19 දිනැති අමාත්ය මණ්ඩල තීරණයේ නිර්දේශවලට පටහැනිව දක්ෂිණ අධිවේගී මාර්ගය සඳහා මගී සේවා අවසරපත් 56ක් නීත්යානුකූල ක්රමවේදයෙන් බැහැරව සහ වාර්ෂික ගාස්තු එකවර අයකර ගැනීමකින් තොරව නිකුත් කිරීම හිටපු සභාපතිවරයාට එරෙහිව එල්ලවී ඇති චෝදනාවයි.
ඒ අනුව අත්අඩංගුවට ගෙන ඇති රේණුක පෙරේරාව කොළඹ ප්රධාන මහේස්ත්රාත් අධිකරණයට ඉදිරිපත් කිරීමට නියමිතයි.
