පොලිස්පති දේශබන්දු තෙන්නකෝන් එම ධුරයෙන් පහ කිරීමට අදාළ කරුණු විමර්ශනයට පත් කළ කමිටුව අද (25) රැස්වීමට නියමිතයි.
මේ එම කමිටුව රැස් වන්නේ දෙවැනි වරටයි. මෙම කමිටුවේ සභාපති ශ්‍රේෂ්ඨාධිකරණ විනිසුරු ප්‍රීති පද්මන් සූරසේන වන අතර විනිසුරු නීල් ඉද්දවෙල සහ පොලිස් කොමිසමේ සභාපති ලලිත් ඒකනායක සෙසු සාමාජිකයෝ වෙති.
පසුගිය 2023 වසරේ වැලිගම පිහිටි ඩබ්ලිව් 15 නම් හෝටලයකට වෙඩි තැබීමේ සිදුවීමකින් පොලිස් නිලධාරියෙක් ඝාතනය වීම සම්බන්ධයෙන් පොලිස්පතිවරයාට චෝදනා එල්ල වී තිබේ.
