එළැඹෙන උත්සව සමයේ දී භාණ්ඩ වර්ග 100ක් සඳහා සතොස වෙතින් වට්ටම් ලබාදී ඇති බව වෙළෙඳ අමාත්ය වසන්ත සමරසිංහ පවසයි.
ඊයේ (20) කොළඹදී ප්රවෘත්ති සාකච්ඡාවක් පවත්වමින් අමාත්යවරයා පැවසුවේ, වෙළෙඳපොළේ පවතින පාලන මිලටත් වඩා අඩුවෙන් ලංකා සතොසින් සහල් මිලදීගැනීමට හැකි බවයි.
මිලදී ගැනීමේදී සෑම භාණ්ඩයකටම සීමාවක් තිබෙන බවත් මෙම සහනය පාරිභෝගිකයන්ට මිස ව්යාපාරිකයින්ට නොලැබෙන බවත් අමාත්යවරයා ප්රකාශ කරන ලදී.
මේ අතර සතොසින් රු.2500කට වැඩියෙන් භාණ්ඩ මිලදීගන්නා පුද්ගලයන්ට ත්යාග ලබාදීමේ ක්රමවේදයක්ද හඳුන්වා දී තිබේ.
“රු. 2500කට වැඩියෙන් භාණ්ඩ මිලදීගන්න සෑම කෙනෙක්ටම කූපන් පතක් ලැබෙනවා ලොතරැයි දිනුම් ඇඳීමකට. එනිසා සතොසට ආවොත් කාර් එකෙන් නැත්නම් බයිසිකලෙන් යන්න පුළුවන්. රු.2500කට වැඩියෙන් භාණ්ඩ ගන්න, වාසනාවන්ත ජයග්රාහකයෙක් වෙන්න” යනුවෙන් අමාත්යවරයා තවදුරටත් ප්රකාශ කළේය.
