ඇප කොන්දේසි සපුරාලීමට නොහැකි වීම හේතුවෙන් සැකකාර සමඟි ජන බලවේගයේ හොරණ හිටපු ආසන සංවිධායක චරිත් අබේසිංහ නැවත බන්ධනාගාර ගත කර තිබේ.
සංවිධානාත්මක අපරාධකරුවෙකු වන නඳුන් චින්තක නොහොත් හරක්කටා නැමැත්තාගේ බිරිඳගෙන් සැකකරුවන් රුපියල් ලක්ෂ 1,200ක අල්ලසක් ලබා ගත් බවට ලද චෝදනාවක් සම්බන්ධයෙන් අල්ලස් කොමිසම විසින් ඔවුන් අත්අඩංගුවට ගෙන රක්ෂිත බන්ධනාගාර ගත කර සිටි අතර අද (28) දින ඔවුන්ට ඇප නියම විය.
එක් සැකකරුවකු රුපියල් ලක්ෂයක මුදල් ඇප සහ රුපියල් ලක්ෂ 10 බැගින් වූ ශරීර ඇප දෙකක් මත මුදාහරින ලෙස ඇප නියෝගයේ සඳහන්ව තිබුණු අතර සැකකාර රඛිත රාජපක්ෂ සහ අනෙක් සැකකරු ඇප කොන්දේසි සපුරාලීම හේතුවෙන් ඔවුන් මුදාහැරීමට අධිකරණය නියෝග කර තිබේ.
නඩුව කොළඹ ප්රධාන මහේස්ත්රාත් අසංග එස් බෝදරගම ඉදිරියේ කැඳවනු ලැබීය.
ශරීර ඇපකරුවන් ඇපයේ වටිනාකම තහවුරු කරන ආකාරයේ ආදායමක් හෝ දේපළ පවතින බවට සහතික අධිකරණයට ඉදිරිපත් කළ යුතු බවද ඇප නියෝගයේ සඳහන්ව ඇත.
එමෙන්ම සැකකරුවන්ගේ විදේශ ගමන් තහනම් කෙරුණු අතර ඔවුන්ගේ විදේශ ගමන් බලපත්ර අධිකරණයට භාරදිය යුතු බවටත් නියෝග කර තිබේ.
ඉන් අනතුරුව විමර්ශනවල ප්රගතිය දෙසැම්බර් මස 08 වනදා අධිකරණයට ඉදිරිපත් කරන ලෙස මහේස්ත්රාත්වරයා අල්ලස් කොමිසමට නියෝග කර ඇත. ප්රගතිය දෙසැම්බර් මස 08 වනදා අධිකරණයට ඉදිරිපත් කරන ලෙස මහේස්ත්රාත්වරයා අල්ලස් කොමිසමට නියෝග කර ඇත.
