ජනාධිපති අනුර කුමාර දිසානායක සම්බන්ධයෙන් සඳහන් කිරීම සහ නිකවැරටිය ප්‍රදේශයේ ලේ වැගිරීමක් පිළිබඳව සමාජ මාධ්‍ය සටහනක් පළකිරීම හේතුවෙන් 21 හැවිරිදි විශ්ව විද්‍යාල සිසුවෙක් අත්අඩංගුවට ගෙන තිබෙන අතර ඔහු සම්බන්ධයෙන් පොලීසිය විසින් විමර්ශනයක් ආරම්භ කර තිබේ.
අදාළ සිසුවා නිකවැරටිය, කොටවෙහෙර පොලිස් වසමේ පදිංචිකරුවකු වන අතර අදාළ සිසුවා විසින් ඔක්තෝබර් 11 වැනි දින සමාජ මාධ්‍ය ඔස්සේ සටහනක් තබමින් එදිනම නිකවැරටිය ‘ලේ විලක්’ බවට පත්වන බවට ප්‍රකාශ කර තිබුණි.
එම සටහනේ ලේ වැගිරීම් සහ කර්මය පිළිබඳ සඳහන් කර තිබූ අතර ජනාධිපතිවරයා සහ කුරුණෑගල වෙත සිදු විය හැකි සංචාරයක් පිළිබඳවද සඳහන් කර ඇත.
පසුව අදාළ සිසුවා නිකවැරටිය මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව රුපියල් ලක්ෂ 5 ක ශරීර ඇපයක් මත මුදාහැර තිබේ.
