මෙරටට විශිෂ්ඨ සංස්කෘතික සම්ප්‍රදානයක් එක් කළ බුද්ධිමතෙකු වන මහාචාර්ය ගණනාත ඔබේසේකර අභාවප්‍රාප්ත වී තිබේ.
ඔහු ඇමරිකා එක්සත් ජනපදයේ ප්‍රින්ස්ටන් විශ්වවිද්‍යාලයේ මානව විද්‍යාව පිළිබද සම්මානිත මහාචාර්යවරයෙකි. ශ්‍රී ලංකාවේ බුදුදහම, ජනවාර්ගික අර්බුදය වැනි විෂයන් කෙරෙහි ඉතා බලපෑම්සහගත අධ්‍යයන සිදුකළ මානව විද්‍යාඥයෙක් ලෙස ප්‍රකට ය. දුටුගැමුණුගේ හෘදසාක්ෂිය, ප්‍රොතෙස්තන්ත බුදුදහම සහ පත්තිනි ඇදහිල්ල ඔහු විසින් කරන ලද අවධානය දිනාගන්නා ලද අධ්‍යයන අතර වේ.
මහාචාර්ය ඔබේසේකර 1955 දී ලංකා විශ්වවිද්‍යාලයෙන් ඉංග්‍රීසි භාෂාව උදෙසා බී. ඒ. උපාධියක් ලබාගත් අතර 1958 දී ශාස්ත්‍රපති උපාධිය ගත්තේ ය. 1964 දී වොෂින්ටන් විශ්වවිද්‍යාලයෙන් ඔහු සිය ආචාර්ය උපාධිය ලබා ගත්තේ ය. ප්‍රින්ස්ටන් විශ්වවිද්‍යාලයේ සේවය කිරීමට පෙර ඔහු ලංකා විශ්වවිද්‍යාලය, වොෂින්ටන් විශ්වවිද්‍යාලය සහ කැලිෆෝනියාවේ සැන් දියේගෝ විශ්වවිද්‍යාලය යන විශ්වවිද්‍යාලවල කථිකාචාර්යවරයෙකු ලෙස කටයුතු කරන ලදී.
මහාචාර්යවරයාගේ සංස්කෘතික සම්ප්‍රදානය වෙනුවෙන් ලංකාටයිම්ස් අපගේ ගෞරවය ද පුද කරමු.
